İyulun 1-də Kileydə Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev Ukraynanın paytaxtında SOCAR-ın dördüncü benzindoldurma kompleksini (BDK) açmışdır. Açılışda Azərbaycanın Ukraynadakı səfiri Eynulla Mədətli, ARDNŞ-in vitse-prezidenti Süleyman Qasımov, SOCAR-ın Ukraynadakı nümayəndəliyinin başçısı Elçin Məmmədov və başqaları iştirak etmişlər. 
SOCAR-ın yeni BDK-sı Peçera körpüsü yaxınlığında, Xalqlar dostluğu bulvarı, 35 ünvanında yerləşir. Burada Avropanın bütün metrologiya və partlayış təhlükəsizliyi tələblərinə cavab verən müasir yanacaqpaylaşdırma kolonkaları quraşdırılmışdır. Bunlar dörd ikitərəfli və dörd birtərəfli beşməhsullu YPK-dır. Bu kolonkalar vasitəsilə ənənəvi A-95, A-92 benzinləri və “Nano” – Nano-98, Nano-95, Nano-diesel firma yanacağı satılır. 

Hazırda Kiyevin yollarında müxtəlif tipli avtomobillər, o cümlədən premium-klass avtomobilləri hərəkət edir. SOCAR-ın yeni BDK-ya müxtəlif avtomobillər üçün yanacaq, o cümlədən “temperamentli” motorlar üçün yaradılmış Nano-98 yanacağı təqdim edilmişdir. 

Avtomobbillərin yanacaqla doldurulmasından başqa, burada sürücülərin rahatlığı üçün pulsuz serviz kolonkası, eyni zamanda üç avtomobilə xidmət göstərmək üçün kompleks avtoyuma, avtotozsoran xidmətləri təqdim edilir. Belə BDK konfiqurasiyası gecə-gündüz iş rejimində nəinki müştərilərin rahatlığını və təhlükəsizliyin təmin edir, həm də onların avtomobillərinə yanacaqdoldurulma müddətini minimuma endirir. 

Bütövlükdə benzindoldurma kompleksi ən tələbkar şəhər sakinlərinin tələblərinin ödənilməsinə yönəldilmişdir. Ukraynada BDK praktikasında ilk dəfə olaraq “Lotus premium” kimyəvi təmizləmə məntəqəsi fəaliyyət göstərir, günün istənilən vaxtı pulsuz wi-fi, WC vardır. Mobil telefonları cərəyanla təmin etmək olar. 

Benzindoldurma kompleksinə həmçinin “Buta market” firma mağazası daxildir. Burada gecə-gündüz sənaye və ərzaq malları satılır. Ənənəvi olaraq qonaqlara firma yeməkləri təklif edilir. 

BDK-da bütün malların və xidmətlərin haqqını həm nağd pulla, həm də bank kartları vasitəsilə ödəmək olar.

SOCAR-ın Ukraynadakı nümayəndəliyi və “SOCAR Energy Ukraine” MMC fəxr edirlər ki, paytaxtın mürəkkəb şəhərsalma qanunları şəraitində belə mürəkkəb, müasir layihəni müvəffəqiyyətlə həyata keçirə bilmiş, həmçinin 42 iş yeri yaratmışlar.

www.azertag.com