İyulun 30-da “bp-Azərbaycan” şirkətinin 2012-ci il üçün davamlı inkişaf haqqında hesabatı media nümayəndələrinin iştirakı ilə müzakirə olunmuş, rəy və təkliflər öyrənilmişdir.

AzərTAc xəbər verir ki, şirkətin şəffaflıq və ictimaiyyətə hesabatların verilməsi qrupunun rəhbəri Araz Yusubov əvvəlki illərdə olduğu kimi, bu hesabatda da ötən il Azərbaycanda aparılan biznes fəaliyyətlərin xülasəsi ilə yanaşı, ekoloji, iqtisadi və sosial sahələrdəki göstəricilərin öz əksini tapdığını qeyd etmişdir.

Bildirilmişdir ki, 2012-ci il üçün davamlı inkişaf haqqında hesabat hazırlanarkən kütləvi informasiya vasitələrinin, dövlət strukturlarının, tələbələrin, vətəndaş cəmiyyəti və beynəlxalq təşkilatlar da daxil olmaqla, müxtəlif maraqlı tərəflərin rəy və təklifləri nəzərə alınmışdır.
Sonra jurnalistlərə hesabat haqqında ətraflı məlumat verilmişdir. Vurğulanmışdır ki, hesabatın elektron versiyası ilə bp.com/caspian/azsr veb səhifəsində tanış olmaq mümkündür.

Sonda jurnalistləri maraqlandıran suallar cavablandırılmış, media nümayəndələrinin rəy və təklifləri öyrənilmişdir.

www.azertag.com