Bakı Fond Birjası Alman-Azərbaycan Xarici Ticarət Palatasının (AHK Azərbaycan) təşkil etdiyi tədbirdə “Qiymətli kağızlar vasitəsilə alternativ maliyyə alətləri” mövzusunda çıxış edib

19 sentyabr 2024-cü il tarixində Bakı Fond Birjası AHK Azərbaycan Maliyyə Xidmətləri və Kənd Təsərrüfatı və Qida Sənayesi İşçi Qrupları çərçivəsində baş tutmuş görüşdə “Qiymətli kağızlar vasitəsilə alternativ maliyyə alətləri” mövzusunda çıxış edib.

Tədbirdə Bakı Fond Birjasının Listinq şöbəsinin rəhbəri Anjela Ramazanova Azərbaycanda mütəşəkkil kapital bazarı, investisiya imkanları və yerli bazar alətləri haqqında təqdimatla çıxış etmişdir. Eyni zamanda, bazar şəffaflığının və investorların inamının artırılması istiqamətində tənzimləyici islahatların davam etdirilməsinin vacibliyi vurğulanıb.

Qeyd edək ki, yerli kapital bazarında 30 ilə yaxın fəaliyyət göstərən Bakı Fond Birjasının əsas hədəflərindən biri emitentlərin daha geniş investor bazarına çıxışını təmin etmək, şəffaflığı artırmaq, maliyyə savadlılığını təşviq etmək və bazar iştirakçılığını gücləndirməklə maliyyə bazarlarında daha əlçatan mühit yaratmaqdır.