Ürək-damar xəstəlikləri nəinki ölkəmizdə, bütün dünyada əlillik və ölümə səbəb olan bir xəstəlikdir. Buna görə də ürək-damar xəstəliklərinin müalicəsi öz aktuallığını hələ də qorumaqdadır. Hazırda Mərkəzi Gömrük Hospitalında ürək-damar xəstəlikləri ilə mübarizədə yenidoğulmuşlardan yaşlı insanlara qədər ən mürəkkəb ürək qüsurlarından, əvvəllər çarəsi tapılmayan ağır ürək çatışmazlığından əziyyət çəkən insanlar üzərində cərrahiyyə əməliyyatları, TAVİ və mitral klip kimi ən innovativ müalicə üsulları uğurla həyata keçirilir.

29 iyul 2024-cü il tarixində Hospitalın Kardiologiya şöbəsində 2 xəstə üzərində əməliyyat icra olunmuşdur. Birinci xəstə əvvəllər beyin əməliyyatı olmuş və hazırda açıq ürək əməliyyatına götürülmüşdür. Əməliyyatın əsas xüsusiyyətlərindən biri odur ki, bu əməliyyat işlək ürəkdə tətbiq olunur. Əvvəllər həyatda qalmağa şansı olmayan xəstələr hazırda daha az risklə bu əməliyyata girmək imkanına malikdirlər. 

Digər xəstə yenidoğulmuş bir körpədir. 2 aylıq körpədə mürəkkəb ürək qüsuru - orta aortik kök – yaşaması mümkün olmayan nadir bir xəstəlik aşkarlanmışdır və həyatda qalmasının yeganə yolu olan açıq ürək əməliyyatına qərar verilmişdir. Belə anadangəlmə ürək qüsuru ilə körpələr 6 ay, nadir hallarda isə 1 il yaşaya bilirlər. 

Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, t.e.d., Əməkdar həkim, Mərkəzi Gömrük Hospitalının ürək-damar cərrahı Rəşad Mahmudovun sözlərinə görə, Dövlət Gömrük Komitəsi Tibbi Xidmət İdarəsinin Mərkəzi Gömrük Hospitalının ürək komandası anadangəlmə ürək qüsurlu yenidoğulmuşu əməliyyat edərək növbəti uğura imza atıb. Süjeti Sizə təqdim edirik. https://youtu.be/wtBk8Y4yp-w