“Həkimlərimizi tanıyın” rubrikasında Sizə Mərkəzi Gömrük Hospitalınıın Təcili Yardım şöbəsinin yüksəkixtisaslı təcili yardım həkimi Leyla Fətullayevanı təqdim edirik.
DR.LEYLA FƏTULLAYEVA Mərkəzi Gömrük Hospitalında reanimasiya və stabilləşdirmə tələb edən ağır xəstə və yaralanan xəstələrin təcili qəbulu, mədə-bağırsaq, kranioserebral və endokrinoloji xəstəlikləri olan xəstələr üçün ilkin qiymətləndirmə və yardım, xəsarət almış və şok halında olan xəstələrin ilkin və yekun qiymətləndirilməsi, beyin zədəsi olan xəstənin Glazgo Koma şkalası ilə qiymətləndirilməsi və ilkin yardım, baş və üz yaralanmalarının qiymətləndirilməsi, boyun və onurğanın zədələnməsi zamanı immobilizasiya, kiçik cərrahi prosedurların aparılması, xəstələrin ölkə daxilində və ölkə xaricinə nəql olunması ilə məşğul olur. Həkim barədə daha ətraflı məlumat almaq üçün bu linkə daxil ola bilərsiniz:https://customshospital.az/leyla-fetullayeva/#
Leyla həkim 2014-cü ildə Azərbaycan Tibb Universitetinin Pediatriya fakültəsini bitirmiş, 2014-2018-ci illərdə Azərbaycan Tibb Universitetinin II daxili xəstəliklər kafedrasının Kliniki bazasında olan Toksikologiya şöbəsində terapevt ixtisası üzrə rezidentura təhsili almışdır.
Dr.Leyla Fətullayeva müxtəlif illərdə Azərbaycanın beynəlxalq idman yarışlarına ev sahibliyi etdiyi bir çox mötəbər yarışlarda- Bakı-2015 Avropa Oyunları, 2019 və 2021-ci illərdə Formula-1 Qran Prisi yarışlarında, Bakı-2019 Avropa Gənclər Olimpiya Festivalında həkim və tibbi marşal kimi vəzifələrdə çalışıb. O, əmək fəaliyyətinə 2018-ci ildə dövlət tibb müəssisəsində həkim terapevt kimi başlayaraq 2022-ci ilin mart ayına qədər orada fəaliyyət göstərib. O, 9 mart 2022-ci il tarixindən Mərkəzi Gömrük Hospitalının Təcili Yardım şöbəsində təcili yardım həkimi kimi fəaliyyət göstərir.
Dr.Leyla Fətullayeva 2020-ci ildə COVID-19 pandemiyası ilə mübarizəyə qoşularaq 17 saylı Birləşmiş Şəhər Xəstəxanasında COVİD-19 infeksiyalı xəstələrə tibbi xidmət göstərib. O, daim öz üzərində işləyir, tibbin son nailiyyətlərini öyrənir, ölkəmizdə və xarici ölkələrdə keçirilən müxtəlif konfranslarda, simpoziumlarda və təkmilləşdirmə kurslarında iştirak edib.
O, 2021-ci ildə Ümumdünya Səhiyyə Təşkilatının və Beynəlxalq Qırmızı Xaç Komitəsinin Bakı şəhərində təşkil etdiyi “Təməl Təcili Yardım” kursunda, eyni ildə Azəri Toksikoloqlarının Dərnəyi tərəfindən Bakı şəhərində təşkil olunan “Kəskin Zəhərlənmələrin Prehospital Mərhələdə Diaqnostika və Müalicəsi” təlimində, 2022-ci ildə İsrailin “Ariel” Universitetinin Səhiyyə İdarəetmə Departamentinin professoru, Mental Sağlamlıq Mərkəzinin direktoru Anatoliy Kreininin ölkəmizə səfəri çərçivəsində “Posttravmatik stres pozuntusu bio-psixi-sosial problem kimi” mövzusunda ikigünlük seminarda, 2023-cü il tarixində Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Azəri Toksikoloqlarının Dərnəyinin birgə təşkilatçılığı ilə “ÜST-nin qurğuşunla zəhərlənmənin qarşısının alınması üzrə beynəlxalq tədbirlər həftəsi”nə həsr edilmiş “Uşaqlarda qurğuşun zəhərlənməsinin profilaktikası” mövzusunda Dəyirmi masada məruzəçi qismində iştirak edib. O, 5 elmi iş, 1 məqalə, 4 tezis və 3 metodik vəsaitin müəllifidir.
Mərkəzi Gömrük Hospitalının Təcili Tibbi Yardım şöbəsinin çağırış nömrəsi 905-dir.
