Bakı, FinanceTime.  Media Consulting & Services media monitorinq qrupu2019-cu ilin yanvar ayındasığorta şirkətlərinin media aktivliyi üzrə reytinqini təqdim edib. Media monitorinqin əhatəsinə daxil olan məlumatlar say, xarakter və məzmun üzrə təhlil olunub, sektorlar üzrə şirkətlərin media reytinqi hesablanıb.

 Hesabata əsasən yanvar ayında sığorta sektoru üzrə mediada ən aktiv şirkət “Atəşgah” Sığorta Şirkəti olub. Şirkət 176 xəbərlə reytinqdə birinci yerdə qərarlaşıb. 

Qeyd edək ki, Şirkətin media monitorinq qrupu  12 Televiziya, 55  çap  və  600 on-line media daxil olmaqla  667-dən çox mənbəni, eyni zamanda sosial şəbəkələri izləyir. 

Yüksək etibarlılıq imicinə sahib olan “Atəşgah” SŞ 1996-cı ildə yaranıb. 2003-cü ildə Azərbaycan sığorta şirkətləri arasında ilk olaraq İSO 9001:2000 beynəlxalq standartı üzrə idarəetmə sistemində keyfiyyətə nəzarət üzrə sertifikat almışdır. Şirkət 2014-cü ildən İcbari Sığorta Bürosunun üzvüdür.