Bank müdirləri - Bank Avrasiya - Biznes portal Finance Time

1 USD 1,7000

1 EUR 1,8485

1 RUB 0,0188

1 TRY 0,0558

XAU 3493,7125

XAG 39,3658

XPT 1559,2655

XPD 1653,4200

/ Məzənnələr

Sığorta şirkətləri

Bank müdirləri - Bank Avrasiya

İdarə Heyəti

Aslanov Fuad Cəbrayıl oğlu
İdarə Heyətinin Sədri
5 mart 1972-ci il tarixdə anadan olub. Azərbaycan Dövlət İqtisad Universitetinin "Maliyyə və Kredit" fakultəsini müvəffəqiyyətlə bitirib. Əmək fəaliyyətinə 1998-ci ildə "Bank of Baku" SKB-də xəzinədar vəzifəsindən başlamışdır. 1999-cu ildən "Most-Bank Azərbaycan"da (hazırda "Bank Standard" QSC) baş xəzinədar, İdarə Heyəti Sədrinin köməkçisi, Kredit Departamentinin Problemli Kreditlər şöbəsinin müdiri, Problemli Kreditlər Departamentinin direktoru, Kredit Siyasəti Departamentinin direktoru vəzifələrində çalışmışdır. "Bank Standard"da çalışdığı müddət ərzində İdarə Heyətinin Üzvü seçilmişdir. 28 noyabr 2007-ci il tarixindən "Bank Avrasiya" ASC-nin İdarə Heyətinin Sədri vəzifəsinə təyin olunub.

Kərimov Rüfət Fuad oğlu
İdarə Heyətinin Sədr Müavini
2 iyul 1963-cü il tarixdə anadan olub. 1985-ci ildə Azərbaycan Texniki Universitetinin "Radiotexnika" fakultəsini bitirmişdir. Əmək fəaliyyətinə 1985-ci ildə Bakı "Ulduz" Zavodunda mühəndis-texnoloq kimi başlamışdır və Mikroelektronika Texniki Bürosunun rəhbəri vəzifəsinə qədər çalışmışdır. 1992-ci ildən "Azakbank" BSB-də Aktiv və Passivlərin İdarə edilməsi şöbəsinin müdiri, 1997-ci ildən "Bank of Baku" SKB-də Fondlar Departamentinin direktoru vəzifələrində çalışmışdır. 1999-cu ildən "Most-Bank Azərbaycan"da (hazırda QSC "Bank Standard") Maliyyə və Mühasibat uçotu Departamentinin direktoru-baş mühasibi, 2005-ci ildən ASC "Xalq Bank"ın Maliyyə Departamentinin direktoru-baş mühasibi vəzifələrində çalışmışdır. "Xalq Bank"da çalışdığı müddət ərzində İdarə Heyətinin Üzvü seçilmişdir. 8 noyabr 2007-ci il tarixindən "Bank Avrasiya" ASC-nin İdarə Heyətinin Sədr Müavini vəzifəsində çalışmaqdadır.

İsmayılov Arif Xəlil oğlu
İdarə Heyətinin Sədr Müavini
5 avqust 1978-ci il tarixdə anadan olub. 1999-cu ildə Bakı Dövlət Universitetinin "İqtisadi Nəzəriyyə" ixtisasını fərqlənmə diplomu ilə bitirib. Həmin ildə Bakı Dövlət Universitetinin İqtisadi Nəzəriyyə ixtisası üzrə magistratura pilləsinə daxil olmuş və 2001-ci ildə fərqlənmə diplomu ilə magistr elmi dərəcəsini almışdır. Hazırda Bakı Dövlət Universitetinin İqtisadiyyat kafedrasının dissertantıdır. Əmək fəaliyyətinə 2000-ci ildə "Qafqaz İnkişaf Bankı" Birgə Kommersiya Bankında başlamışdır. Həmin bankda kassir, kassa müdiri, baş mühasibin müavini, Valyuta Əməliyyatları Departamentinin Beynəlxalq Hesablaşmalar şöbəsinin baş mütəxəssisi, Valyuta Əməliyyatları Departamentinin direktoru, Maliyyə-Kredit Departamentinin direktoru vəzifələrində çalışmışdır. 1 oktyabr 2007-ci il tarixindən "Bank Avrasiya" ASC-nin İdarə Heyətinin Sədr Müavini vəzifəsində çalışmaqdadır.