Baki, Finance Time.  “PAŞA Həyat Sığorta” şirkəti istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə növbəti iri həcmli dahaiki sığorta ödənişini həyata keçirib.

Şirkətin İctimaiyyətlə Əlaqələr Xidmətindən verilən məlumata görə, istehsalatda baş vermiş bədbəxt hadisə nəticəsində “PAŞA Həyat”da sığortalanmış iki işçinin biri həyatını, digər işçi isə peşə əmək qabiliyyətinin 50%-ni itirib.

Müxtəlif vaxtlarda baş vermiş bədbəxt hadisələrə görə, ümumilikdə 56,901 min manat həcmində sığorta ödənişi verilib. Belə ki, şirkət tərəfindən istehsalat zamanı vəfat etmiş şəxsin ailəsinə 16,799 min manat, peşə əmək qabiliyyətinin 50%-ni itirən şəxsin ailəsinə isə 40,102 min manat həcmində birdəfəlik ödənişlər edilib.

“PAŞA Holding” Şirkətlər Qrupunun  uğurlu üzvlərindən biri olan “PAŞA Həyat Sığorta” ASC 2011-ci ilin fevral ayının 14-dən fəaliyyət göstərir. Cari ilin iyul ayının 1-nə şirkətin nizamnamə kapitallının həcmi 40,250 mln. manat təşkil edir. Hazırda şirkət müştərilərə istehsalatda bədbəxt hadisələrdən icbari sığorta, həyatın müddətli sığortası, yığım tərkibli yaşam sığortası, sağalmaz xəstəliklərdən sığorta və digər könüllü  həyat sığortası məhsulları təklif edir.