Bu ilin yanvar-may aylarında Azərbaycandakı 28 sığorta şirkətinin xətti ilə 186,9 milyon manat sığorta haqqı toplanmışdır. Bu, ötən ilin eyni dövrü ilə müqayisədə 18,2 milyon manat və ya 10,8 faiz çoxdur.

AzərTAc xəbər verir ilk 5 ayda sığorta şirkətlərinin həyata keçirdikləri sığorta ödənişlərinin məbləği isə 55,2 milyon manat təşkil etmişdir ki, bu da 2013-cü ilin eyni dövrünə nisbətən 6,3 milyon manat və ya 13 faiz artıqdır.

Hesabat dövründə sığorta bazarında toplanmış hər 100 manat sığorta haqqı müqabilində 29,5 manat ödəniş həyata keçirilmişdir. Bu göstərici ötən ilin yanvar-may aylarında 29 manat olmuşdur.

www.azertag.com