Baki, Finance Time. AtaSığorta 2014-cü ildə ilk iri sığorta ödənişini həyata keçirmişdir. Şirkət tərəfindən fərdi qəza və xəstəlik sığortası üzrə 32,3 min manat sığorta ödənişi verilmişdir. Sığorta ödənişi ipoteka krediti üzrə borc alanın bank qarşısında öhdəliyinin yerinə yetirilməsinə yönəldilmişdir. Bu iri sığorta ödənişinin həyata keçirilməsi “AtaSığorta” ASC-nin etibarlı sığorta tərəfdaşı olduğunu bir daha nümayiş etdirmişdir.
Müştəri məmnuniyyətinə diqqətini daima artıran AtaSığorta ödənişlərin verilməsi prosesinin sadələşdirilməsi və tezləşdirilməsi üçün də səylərini davam etdirir. Şirkət tərəfindən görülən bu işlər nəticəsində müştərilər yüksək səviyyəli sığorta xidmətləri ilə təmin olunmuş və onların məmnunluq səviyyəsi artmışdır. Müştəri məmnuniyyətinin qiymətləndirilməsi ilə məşğul olan yardımçı şirkətin bazar araşdırmasının nəticələri bunu bir daha sübut edir.
"AtaHolding" Şirkətlər Qrupuna daxil olan "AtaSığorta" 2004-cü ildən sığorta bazarında fəaliyyət göstərir. Şirkət 22 könüllü və 4 icbari sığorta növü üzrə müştərilərinə xidmət göstərir. İcbari Sığorta Bürosunun təsisçisi və iştirakçısıdır. "AtaSığorta" ASC-nin xidmət şəbəkəsinə 5 filial, 8 nümayəndəlik və 6 satış ofisi daxildir.
