Baki, Finance Time. 25 dekabr 2013-cü il tarixində Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti və “PAŞA Həyat”, “Atəşgah” və “Qala Həyat” sığorta şirkətləri arasında əməkdaşlıq haqqında saziş imzalanıb.

İmzalanmış sazişə əsasən, tərəflər sığortalılar tərəfindən istehsalatda bədbəxt hadisə və peşə xətəliklərinin azaldılması üzrə qabaqlayıcı tədbirlərin görülməsi və əməyin mühafzəsi üzrə vəzifələrin yerinə yetirilməsi dövlət nəzarətnin həyata keçirilməsində qarşılıqlı əməkdaşlığın gücləndirilməsini və inkişafını təmin edəcəklər.

Eyni zamanda əməyin mühafizəsi və istehsalatda bədbəxt hadisələrdən icbari sığorta sahəsində  sahəsində işəgötürənlərin maarifləndirilməsi və məlumatlandırılması, eləcə də sığorta qanunvericiliyinə və istehsalatda bədbəxt hadisələrdən icbari sığorta sahəsinə dair mövzular üzrə müzakirələrin və görüşlərin (dəyirmi masaların, seminarların, konfransların) keçirilməsi, həmçinin sözügedən sığorta növü üzrə sığorta müqaviləsinin bağlanmasının təmin edilməsi vəicbari sığorta müqaviləsi bağlamayan işəgötürənlərin məsuliyyətinin artırılmasısazişlə əməkdaşlıq ediləcək sahələrə aid edilib.

Müqavilədə tərəflərin qarşılıqlı razılığı əsasında tələbatdan və istiqamətlərdən asılı olaraq müvafiq əməkdaşlıq formaları qeyd olunub ki, bura məlumat və sənədlərin mübadiləsi, informasiya ehtiyatları üzrə məlumat bazalarının inteqrasiyası, həmçinin istehsalatda bədbəxt hadisələrdən icbari sığorta sahəsində qanunvericiliyin tələblərinə əməl olunmasına dövlət nəzarətinin həyata keçirilməsində aşkarlanan qanun pozuntuları hallarının aradan qaldırılması və digər əməkdaşlıq formaları daxildir.