Baki, Finance Time. Mərkəzi Bankın balansında olan vəsaitlərin, nağd pulun və nəqliyyat vasitələrinin sığortalanması məqsədilə təşkil edilmiş açıq tenderdə 21 oktyabr, 2013-cü il tarixli qərara əsasən, əmlakın icbari və könüllü sığortası, nağd pulun sığortası üzrə “PAŞA Sığorta” şirkəti qalib elan olunmuşdur. Növbəti ildə Mərkəzi Bankın balansında olan bütün əmlak və nağd pul vəsaitlərinin sığortalanmasını “PAŞA Sığorta” şirkəti həyata keçirəcək. Son bir ildə ötən ilə nisbətən əmlak sığortasına maraq kəskin artmışdır. Əmlakın yanğından və digər risklərdən könüllü sığortası üzrə ümumi bazarda yığımlar ötən illə müqayisədə 50%, sentyabr ayında isə 217% artmışdır.

Bu sığorta növü üzrə artım “PAŞA Sığorta” yığımlarında da 83% artımla özünü göstərir. İcbari əmlak sığortası üzrə yığımlarda da ötən illə müqayisədə 25% artım göstərir ki, son dövrdə əmlak sığortasına ehtiyac artmaqdadır. Qeyd edək ki, “PAŞA Sığorta” şirkəti sığorta bazarında 2006-cı ildən fəaliyyət göstərir. “PAŞA Holding” qrupunun üzvü kimi “PAŞA Sığorta” korporativ və fərdi müştərilərə 31 növ könüllü və icbari sığorta üzrə xidmət göstərir. Nizamnamə kapitalı 40 mln. manat və cari aktivlərinin dəyəri 73 mln. manat olmaqla,

“PAŞA Sığorta” kapitallaşma göstəricilərinə və riskləri özündə saxlama gücünə görə Azərbaycanın sığorta və təkrar sığorta bazarında lider üçlükdə öz mövqeyini gücləndirmişdir. “PAŞA Sığorta” şirkəti və sığorta xidmətləri haqqında daha ətraflı məlumat almaq üçün www.pasha-insurance.az internet səhifəsinə və ya Sığorta Məsləhət Xəttinə; korporativ müştərilər üçün (050/055) 263 88 08) və fərdi müştərilər üçün (050/055) 227 88 00 nömrəli telefon vasitəsilə müraciət edə bilərsiniz.