Baki, Finance Time. “PAŞA Həyat Sığorta” ASC nizamnamə kapitalının artırılması ilə bağlı elan etdiyi səhm emissiyanın yerləşdirilməsi prosesini tam başa çatdırıb.

Şirkətin Marketinq və ictimaiyyətlə əlaqələr şöbəsindən verilən məlumata görə, səhmlərin hər birinin nominal dəyəri 3600 manat, sayı 7000 ədəd, emissiyanın ümumi həcmi isə 25,2 mln. manat təşkil edib.

Qeyd edək ki, nizamnamə kapitalının artımı səhmlərin nominal dəyərinin artırılması yolu ilə həyata keçirilib.

Bununla da, “PAŞA Həyat”ın nizamnamə kapitalı 67,4% artaraq 25,2 mln. manata çatıb. Hazırda şirkət sığortaçılar sırasında nizamnamə kapitalının həcminə görə ilk üçlüyə daxildir.

Qeyd edək ki,  “PAŞA Holding” Şirkətlər Qrupuna daxil olan “PAŞA Həyat Sığorta” ASC 2010-cu il noyabrın 24-də dövlət qeydiyyatına alınıb, sığorta fəaliyyətinə lisenziya (5 illik) isə 2011-ci il fevralın 14-də verilib. Bu ilin yanvar-may aylarında şirkət 14,9 mln. manat sığorta haqqı toplamaqla sığorta şirkətləri sırasında ilk beşlikdə qərarlaşıb. Bu ilin ilk beş ayında şirkətin risklər üzrə ödənişləri 380 min manat təşkil edib.