Mərkəzi Gömrük Hospitalının Cərrahiyyə və orqan transplantasiyası şöbəsinin rəisi, transplantoloq, səhiyyə əlaçısı Mircəlal Kazımi və onun komandası tərəfindən İcbari Tibbi Sığorta üzrə xidmətlər zərfi çərçivəsində 2023-cü ilin avqust ayından etibarən orqan transplantasiyası əməliyytaları icra olunur.
Bu müddət ərzində Mərkəzi Gömrük Hospitalında Cərrahiyyə və orqan transplantasiyası şöbəsinin rəisi, transplantoloq Mircəlal Kazımi və onun komandası tərəfindən 7 qaraciyər transplantasiyası əməliyyatı və Dövlət proqramı ilə 4 böyrək transplantasiyası əməliyyatı icra olunub.
İcbari Sığorta ilə qaraciyər əməliyyatı olunan 54 yaşlı şəhid atası Mübariz Dərziyevin səhhətində sirrozun yaratdığı ağırlaşmalar ortaya çıxdığı zaman 23 yaşlı oğlu onun donoru olub. Əməliyyatdan 14 gün sonra evə yazılıan pasiyent Mübariz Dərziyev İcbari Tibbi Sığorta, Dövlət Gömrük Komitəsi Tibbi Xidmət İdarəsi və Mərkəzi Gömrük Hospitalının rəhbərliyinə dərin təşəkkürünü bildirib.