Mərkəzi Gömrük Hospitalının ümumi cərrahı, t.ü.f.d., Dr.Aynur Səfiyeva Avropa Koloproktoloji Dərnəyinin Şərq ölkələri üzrə yenidən regional təmsilçisi təyin edilib və təkrar idarə heyətində təmsil olunur. Bu təyinata qədər Dr.Aynur Səfiyeva dərnəyin Azərbaycan üzrə ilk milli təmsilçisi olmuşdur. Hazırda o, həm də Azərbaycan Kolon və Rektum Cərrahi Cəmiyyətinin və Azərbaycan Milli Elmlər Akademiyasının Əlaqələndirmə Şurasında Tibb üzrə İşçi Qrupunun elmi katibi vəzifələrində çalışır.

Həmkarımızın beynəlxalq səviyyədə, yüksək kürsülərdən Azərbaycanı, onun səhiyyəsini təmsil etməsi bizim üçün qürurvericidir. Bu münasibətlə Mərkəzi Gömrük Hospitalının kollektivi Aynur həkimi bu təyinatı münasibətilə ürəkdən təbrik edir, bu işdə ona müvəffəqiyyətlər arzulayır!