Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının əməkdaşları Qarabağın hərbi-strateji əhəmiyyətli Suqovuşan su anbarında olublar

Azərbaycan Respublikası Dövlət Gömrük Komitəsi Tibbi Xidmət İdarəsinin və Mərkəzi Gömrük Hospitalının Tərtər rayonunun işğaldan azad olunmuş Talış kəndində keçirdiyi tibbi sosial aksiyada iştirak edən əməkdaşları Talış kəndində erməni vandalizminin acı nəticələri və aparılan bərpa quruculuq işləri ilə tanış olunub, eyni zamanda Suqovuşan su anbarında olublar. Tibbi sosial aksiya iştirakçıları Qarabağın böyük enerji təyinatlı, hərbi-strateji əhəmiyyətli Suqovuşan su anbarında Azərbaycan Respublikasının Dövlət bayrağını, Dövlət Gömrük Komitəsinin və Mərkəzi Gömrük Hospitalının bayraqlarını açıblar. 

Xatırladaq ki, 1976-cı ildə istifadəyə verilmiş Suqovuşan su anbarı Tərtərçay və Turağaçay çaylarının sularından əmələ gəlir. 28 il işğal altında qalmış Suqovuşan su anbarını 2020-ci ilin oktyabrın 3-də Azərbaycan Ordusu erməni işğalçılarından təmizləyib. Həmin gün Suqovuşan və Talışda Azərbaycanın üçrəngli şanlı bayrağı qaldırılıb.