Sumqayıtda sahibkarlıq mövzusunda gənclərlə görüş keçirilib 

Gənclərlə görüşdə sahibkarlıq fəaliyyətinə başlamaq və inkişaf etdirmək üçün dövlət dəstəyi tədbirləri barədə məlumat verilib, onları maraqlandıran suallar cavablandırılıb. 

Kiçik və Orta Biznesin İnkişafı Agentliyi (KOBİA) və Gənclər və İdman Nazirliyinin Abşeron-Xızı Regional Gənclər və İdman İdarəsinin birgə təşkilatçılığı ilə sahibkarlıq fəaliyyəti ilə bağlı gənclərlə görüş keçirilib.

Tədbirdə KOBİA-nın, Abşeron-Xızı Regional Gənclər və İdman İdarəsinin, İqtisadiyyat Nazirliyinin Sahibkarlığın İnkişafı Fondunun, Sumqayıt Gənclər Evinin, Gənclərin İnkişaf və Karyera Mərkəzinin regional bölməsinin nümayəndələri, eləcə də 30-dan çox biznesə maraq göstərən gənc və sahibkar iştirak edib.

Görüşdə gənclərin sahibkarlıq fəaliyyətinə dəstək, biznesə başlamaq və mövcud fəaliyyəti genişləndirmək üçün dövlətin dəstək alətləri, o cümlədən KOBİA-nın xidmətləri, güzəştli maliyyə resurslarına çıxış barədə məlumat verilib, fikir mübadiləsi aparılıb. Həmçinin gənclərin təklifləri dinlənilib, onları maraqlandıran suallar cavablandırılıb.