|
|
|
Digər xəbərlər | | | “İlan və digər heyvanların zəhəri ilə intoksikasiya, diaqnostika, ilk yardım və müalicə” mövzusunda vebinar keçirilib |
17.08.2023 | |
| |
16 avqust 2023-cü il tarixində Tibbi Ərazi Bölmələrini İdarəetmə Birliyinin təşkilatçılığı ilə “İlan və digər heyvanların zəhəri ilə intoksikasiya diaqnostika, ilk yardım və müalicə” mövzusunda vebinar keçirilib. ZOOM platforması ilə onlayn formatında keçirilən vebinarın işinə TƏBİB-in tabeliyində fəaliyyət göstərən 100-ə yaxın müxtəlif tibb müəssisələrindən tibb işçiləri qoşulub.
Vebinarda Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini t.ü.f.d., dosent İsmayıl Əfəndiyev “İlan və digər heyvanların zəhəri ilə intoksikasiya, diaqnostika, ilk yardım və müalicə” mövzusunda təqdimatla çıxış edib. Dr.İsmayıl Əfəndiyev vebinar iştirakçılarını salamlayaraq ilan, əqrəb, hörümçək, həşərat və digər sancmaların diaqnostikası və müalicəsi ilə bağlı real praktiki hadisələrə əsaslanan təcrübəsi barədə, o cümlədən ilan və digər həşəratlar sancmaları ilə əlaqəli statistik rəqəmlər, kritik klinik hallar, ilan sancmaları zamanı ilk yardımın göstərilməsi barədə ətraflı məlumat verib. İsmayıl həkimin çıxışı vebinar iştirakçıları tərəfindən böyük maraqla qarşılanıb. Vebinarın sonunda İsmayıl həkim dinləyiciləri maraqlandıran çoxsaylı sualları cavablandırıb. TƏBİB-in Davamlı tibbi inkişaf şöbəsinin müdiri Emil İsgəndərov yay aylarında aktual olan mövzuda maraqlı və faydalı çıxışa görə Dr.İsmayıl Əfəndiyevə təşəkkürünü bildirib.
Mərkəzi Gömrük Hospitalının
PR mütəxəssisi Dilara Zamanova
|
|
|
|