Azərbaycan Respublikası Ekologiya və Təbii Sərvətlər Nazirliyinin Milli Hidrometeorologiya Xidmətinin proqnozuna görə, ölkə ərazisində isti hava şəraitinin yaxın günlər ərzində davam edəcəyi, hava temperaturunun bəzi yerlərdə 42-44 dərəcəyədək artacağı gözlənilir. Bu səbəbdən günvurma təhlükəsindən qorunmaq üçün yüksək temperaturlu günlərdə zərurət olmadan açıq havada çox qalmamaq, daha çox kölgədə və ya sərin yerdə qalmaq və bol maye qəbul etmək tövsiyə olunur. 

Bu məqsədlə Tovuz, Astara və Xaçmaz Gömrük İdarələrinə təhkim olunmuş Sanitar-Karantin Xidmətinin baş müfəttişləri Qəhrəmanov Müşfiq, Muxtarov İxtiyar və Məmmədov Əli tərəfindən gömrük sərhəd buraxılış məntəqələrinin əməkdaşları və açıq havada xidmət aparan digər işçi heyətə istivurma və günvurmanın əlamətləri, profilaktik tədbirlər və həkiməqədər ilk yardım göstərilməsinə dair "İstivurma və günvurma" mövzusunda maarifləndirici təlimlər keçirilmişdir.