5-6 avqust 2023-cü il tarixlərində Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının əməkdaşları Qarabağın incisi, Azərbaycanın mədəniyyət paytaxtı Şuşaya səfər edib. Heydər Əliyev ili çərçivəsində təşkil olunan səfər zamanı Şuşa şəhərində erməni vandalizminin acı nəticələri ilə, tarixi-mədəni abidələri və aparılan bərpa quruculuq işləri ilə tanış olunub, eyni zamanda Cıdır düzü, Yuxarı və Aşağı Gövhər Ağa məscidləri, Qala divarları, Gəncə qapısı və bir sıra tarixi-mədəni abidələr, həmçinin Ali Baş Komandan, Prezident İlham Əliyevin tapşırığı ilə Bakıdan Şuşaya gətirilən və qayıdışları Zəfər simvolu hesab edilən Xurşidbanu Natəvanın, Üzeyir Hacıbəylinin və Bülbülün büstləri ziyarət edilib.

Səfər iştirakçıları 44 günlük Vətən müharibəsində müzəffər Ali Baş Komandan İlham Əliyevin rəhbərliyi ilə qazanılan tarixi qələbənin qəhrəmanlarının ruhlarını ehtiramla yad ediblər, eyni zamanda Şuşa qalasınıın önündə “Qarabağ Azərbaycandır!” səsləndiriblər.