Mərkəzi Gömrük Hospitalında invaziv kardiologiyanın inkişafı ilə əlaqədar daha bir yenilik tətbiq edilmişdir. Belə ki, Hospitala gətirilən yeni cihazla kreatini yüksək olan xəstələrdə kontrast maddə verilmədən özəl cihazla karbondioksit qazı vasitəsilə ayaq damarlarının angioqrafik və angioplastikası mümkün olmuş və artıq bu əməliyyatlar Hospitalda icra olunmağa başlayıb. Əməliyyat Mərkəzi Gömrük Hospitalının həkimi - yandal uzmanı, şöbə rəisi, invaziv kardioloq  Dr.İlqar Tahiroğlunun komandası tərəfindən həyata keçirililmişdir.

Xatırladaq ki, əvvəllər kreatini yüksək olan xəstələrə kontrast maddə verilməsi mümkün deyildi, angioqrafiya gecikirdi və bununla əlaqədar olaraq, ayaq perifer amputasiyaları həyata keçirilirdi. Bu gün artıq heç bir kontrast maddə istifadə olunmadan – sadəcə özəl cihaz və kateter vasitəsilə   karbondioksit yeritməklə ayaqlardakı periferik damarlar görüntülənir və buna uyğun olaraq angioplastika və ya stent inplantasiyası icra edilir. Hazırda bu yenilik Hospitalda aktiv şəkildə istifadə olunur.