Azərbaycan Respublikası Dövlət Gömrük Komitəsində könüllülük hərəkatının inkişafı çərçivəsində yaradılan 10-cu “Könüllü gömrükçü” dəstəsinin 7 üzvü 11 iyul 2023-cü il tarixindən 11 oktyabr tarixədək 3 ay müddətində Dövlət Gömrük Komitəsinin Tibbi Xidmət İdarəsinin müvafiq şöbələrində fəaliyyətə başlayıb. Bununla əlaqədar olaraq 11 iyul 2023-cü il tarixində Dövlət Gömrük Komitəsinin Tibbi Xidmət İdarəsində çalışacaq könüllü gömrükçü dəstəsinin üzvləri ilə görüş keçirilib.
Görüşdə Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım, Mərkəzi Gömrük Hospitalının baş həkimi Bəxtiyar Musayev, Dövlət Gömrük Komitəsi Sosial İnnovasiyalar və Analitik Təhlil İdarəsi, Sosial innovasiyalar şöbəsinin inspektoru Ruqiyyə Səməndərova, Dövlət Gömrük Komitəsinin Tibbi Xidmət İdarəsinin İnzibati İdarəetmənin Təşkili şöbəsinin rəisi Minurə Ağayeva və könüllü gömrükçülər iştirak ediblər.
Tədbirdə Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım və Mərkəzi Gömrük Hospitalının baş həkimi Bəxtiyar Musayev könüllü gömrükçüləri bu münasibətlə təbrik edib, Dövlət Gömrük Komitəsi Tibbi Xidmət İdarəsinin və Mərkəzi Gömrük Hospitalının fəaliyyəti barədə məlumat verib, onlara öz seçdikləri sahələr üzrə bilik və təcrübi bacarıqlarının artırılması istiqamətində fəaliyyətlərində uğurlar arzulayıblar.
Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının müxtəlif şöbələrində könüllü gömrükçü kimi fəaliyyət göstərəcək Gülgün Abdullayeva, Minəvvər Niftullayeva, Aydan Paşazadə, Fatimə Zeynallı, Roza Rəhimli, Bahar Mirzəliyeva və Ləman Alxasovaya fəaliyyətlərində nailiyyətlər diləyirik!