“Həkimlərimizi tanıyın!” rubrikamızda Dr.Tamilla Əliyevanı təqdim edirik
“Həkimlərimizi tanıyın!” rubrikamızda Sizə Mərkəzi Gömrük Hospitalının təcrübəli həkimi, həm kollektivin, həm də pasiyentlərin böyük rəğbətini qazanmış poliklinika rəisi, kardioloq Tamilla Əliyevanı təqdim edirik.
Dr.TAMİLLA ƏLİYEVA Mərkəzi Gömrük Hospitalında ambulator pasiyentlərin müalicəsində və ürək xəstəliklərinin qarşısının alınmasında ən müasir effektiv metodlardan istifadə edir, eləcədə də poliklinikanın düzgün və yüksək səviyyədə idarə edilməsini təmin edir, işə yeni qəbul olunan tibb personalına məsləhətlər verir.
Dr. Tamilla Əliyeva 1986-cı ildə Azərbaycan Tibb Universitetinin Müalicə işi fakültəsini bitirmiş, 1986-1987-ci illərdə 3 saylı Bakı şəhər xəstəxanasında terapevt ixtisası üzrə internatura keçmişdir. O, 1987-2018-ci illərdə müxtəlif dövlət tibb müəssisələrində kardioloq, ambulator şöbənin rəisi kimi çalışıb. Tamilla həkim 2018-ci ildən etibarən Mərkəzi Gömrük Hospitalında Poliklinika şöbəsinin rəisi, kardioloq kimi fəaliyyət göstərir.
Tamilla xanım daim öz üzərində çalışır, dünya tibb ədəbiyyatını izləyir, öz işində mütərəqqi müalicə üsullarından istifadə edir. O, 1992-ci və 1995-ci ildə Azərbaycan Dövlət Həkimləri Təkmilləşdirmə İnstitutunda klinik elektrokardioloji kursda, 2009-cu ildə “İnsan Resurslarının tərkibində kadr işinin təşkili və hüquqi aspektləri”, “İnsan Resurslarının cəlb olunması və idarəolunması metodları”, “Fəaliyyətin qiymətləndirilməsi və motivasiya”, “İşçi heyətin inkişaf və təkmilləşdirilməsi metodları”, “Keyfiyyət menecment sistemində kargüzarlıq, ofis işinin təşkili”, “Kadrların planlaşdırılması və vəzifə təlimatları”, “Vaxtın idarəedilməsi” təlimlərində iştirak etmişdir. O, 2021-ci ildə Səhiyyə Nazirliyi tərəfindən Fəxri Fərman ilə təltif olunmuşdur. O, Azərbaycan Kardiologiya Cəmiyyətinin üzvüdür. Dr.Tamilla Əliyeva haqqında ətraflı məlumat almaq üçün linkə daxil ola bilərsiniz: https://customshospital.az/tamilla-aliyeva/. Həkimin qəbuluna yazılmaq üçün əlaqə nömrəsi: (012) 404-08-08.
