ARDNŞ-nin Gürcüstanda həyata keçirdiyi investisiya proqramı çərçivəsində daha bir yanacaqdoldurma məntəqəsi fəaliyyətə başlamışdır.Finance Time Azərbaycan Respublikası Dövlət Neft Şirkətinə istinadən xəbər verir ki, dekabrın 21-də Gürcüstanın məşhur turizm bölgəsi olan Borjomi rayonunun Bakuriani qəsəbəsində ARDNŞ-nin törəmə müəssisəsinin-“SOCAR Georgia Petroleum” şirkətinin yeni yanacaqdoldurma məntəqəsinin açılışı olmuşdur. Artıq SOCAR Energy Georgia MMC-yə məxsus 99 YDM Gürcüstanda əhaliyə yüksək keyfiyyətli xidmət göstərir. Ilin sonuna kimi bu ölkədə “SOCAR” brendi ilə fəaliyyət göstərən YDM-lərin sayının 100-ə çatdırılması planlaşdırılır. 

Müasir standartlara cavab verən yeni YDM-in açılış mərasimində ARDNŞ-nin Gürcüstandakı Nümayəndəliyinin, SOCAR Energy Georgia MMC-nin rəhbər şəxsləri, yerli icra hakimiyyəti və kütləvi informasiya vasitələrinin nümayəndələri iştirak etmişlər.