1 USD 1,7000    1 EUR 1,8485    1 RUB 0,0188    1 TRY 0,0558    XAU 3493,7125    XAG 39,3658    XPT 1559,2655    XPD 1653,4200   
           
/ Məzənnələr

 

 

 













Digər xəbərlər


“Microsoft” onlayn-risklər tədqiqatının nəticələrini açıqlayıb
06.02.2018

Fevralın 6-da keçirilən  Ümumdünya təhlükəsiz internet günü münasibətilə “Microsoft” Korporasiyası onlayn risklərlə bağlı aparılmış qlobal tədqiqatın nəticələrini dərc edərək, istifadəçiləri şəbəkə mədəniyyətini qorumağa və qarşılıqlı hörmət göstərməyə  dəvət etdi.

Baki, FinanceTime. Ümumdünya təhlükəsiz internet gününü qeyd etmək ideyası Avropa Komissiyasına məxsusdur. Baş əlaqələndirici - “Insafe” qeyri-hökumət təşkilatının iştirakçıları qlobal şəbəkədən təhlükəsiz istifadə etmək üçün alətlər hazırlayır.

“Microsoft” 14 ildir ki, Ümumdünya təhlükəsiz internet gününün fəal iştirakçısıdır. İstifadəçiləri təhlükəli nəticələrdən qorumaq və şəbəkədə qarşılıqlı hörmət səviyyəsini artırmaq məqsədilə, şirkət internet-risklər üzrə qlobal araşdırmalar aparır. Rəqəmsal mədəniyyət indeksi (DCI) istifadəçilərin həyatları boyunca nə qədər onlayn-risklərə məruz qaldıqlarını göstərir.

“Bu təşəbbüsün  məqsədi – gündəlik həyatımıza daha aktiv daxil olan onlayn texnologiyalardan təhlükəsiz və məsuliyyətli istifadənin təbliğatıdır. Buna görə də şəbəkə təhlükəsizliyinin təmin edilməsi  zəmanəmizin ən aktual tələbatıdır. Təhlükəsiz və pozitiv internet – təkcə xüsusi müdafiə proqramları deyil, həmçinin pozitiv məzmun bolluğu, adi internet istifadəçilərinin şəbəkə təhlükəsizliyi barədə biliyi və şəbəkədə davranış normaları haqda  ictimayi fikirdir”, - deyə “Microsoft Azərbaican” şirkətinin baş direktoru Sərxan Həşimov bildirib.

Tədqiqatda 23 ölkənin internet istifadəçiləri iştirak etmişdir. “Microsoft”un rəqəmsal mədəniyyət indeksi - sorğuda iştirak edən 13-17 yaş arası yeniyetmələrin və 18-74 yaş arası böyüklərin cavablarına əsaslanmışdır. Sorğu iştirakçıları hansı internet-risklərlə qarşılaşdıqları, belə halların nə vaxt və nə qədər təkrarlandığı, hansı nəticələr verdiyi və bu cür halların baş verməməsi üçün hansı tədbirlərin görülməsi barədə sualları cavablandırmışlar. Ekspertlər istifadəçilərin 4 kateqoriya üzrə 20 internet-riskinə meyilliyini qiymətləndirmişlər: davranış, nüfuz, seksual və arzuolunmaz əlaqə riskləri.

Məlum olmuşdur ki, tədqiqatda iştirak edən internet istifadəçilərin ⅔-i onlayn risklərlə qarşılaşıb – rəqəmsal mədəniyyət indeksi 65% təşkil etmişdir. Nisbətən geniş yayılmış təhlükə - arzuolunmaz əlaqələr riski olmuşdur, belə ki, respondentlərin 41%-i şəbəkədə yalan, dələduzluq və fırıldaqçılıqla  qarşılaşmışdır. Sorğu iştirakçılarının 21%-i kobud rəftarla bağlı risklər haqqında danışıb. Hər dördüncü internet istifadəçisi seksual xarakterli məlumat alıb. Nüfuz  riskləri 9% təşkil etmişdir ki, bu da, ötən ilin tədqiqat nəticələri ilə müqayisədə bir neçə bal  azalma deməkdir. İstifadəçilərin 45%-i internet-təhlükələrlə qarşılaşdıqları zaman yardım üçün hara müraciət edəcəklərini bildiklərini qeyd etmişlər.

Bundan başqa, respondentlərin 53%-i günahkarları   real həyatda tanıdıqlarını etiraf edib. Sorğu iştirakçılarının 68%-i üçün isə internet-risklər xoşagəlməz nəticələnib – onlar nəinki şəbəkədə, hətta real həyatda da insanlara olan etimadlarını itiriblər.

“Microsoft”un tədqiqatının nəticələrinə əsasən müəyyən olunub ki, istifadəçilər şəbəkədə neqativ halların öhdəsindən gəlmək üçün yeni üsullar tapıblar. İstifadəçilərin böyük əksəriyyəti bildirib ki, onlar digər internet istifadəçilərinə hörmət və ləyaqətlə yanaşır, və münaqişələrdən qaçmağa çalışırlar. Tədqiqat onu da müəyyən edib ki, ən çox risklərə 2000-ci illərin nəsilləri məruz qalır – ilk olaraq bu istifadəçilər rəqəmsal aləmdə  böyümüş, və onların şəbəkədə tədqiqat və eksperimentlər üçün  kifayət qədər zamanları olmuşdur.  50-74 yaş arasında olan internet istifadəçiləri isə təhlükələrlə daha az qarşılaşıb. Sözügedən yaş kateqoriyasına aid olan respondentlər şəbəkədə mədəni davranışın  ən yüksək səviyyəsini nümayiş etdirmişlər.


     



06.02.2024
Fərid Abuşov
Unibank KB İdarə Heyətinin sədri
16.01.2024
Nuranə Əliyeva
“Aliyevents” tədbirlərin təşkili şirkətinin Rəhbəri
09.01.2023
Zaur Ələkbərov
ABB-nin İdarə Heyəti sədrinin müşaviri, ABB Tech Akademiyası və ABB İnnovasiya Mərkəzi layihələrinin icraçısı
06.12.2022
Ramil Imamov
Kapital Bank-ın Pərakəndə Satış İdarəsinin Baş direktoru
 
12.10.2022
İlkin Quliyev
AccessBank-ın İdarə Heyətinin üzvü
16.02.2022
Davit Tsiklauri
AccessBank-ın İdarə Heyətinin sədri
08.02.2021
Vüsal Gözəlov
“AccessBank”ın Cəlilabad filialının Rəhbəri
08.06.2020
Andrea Hagmann
“AccessBank”ın Müşahidə Şurasının üzvü


Company
About
Partners
Support
Products
Business catalog
Interview
Expert
Rating
Payment