Baki, FinanceTime. 31 dekabr 2017-ci il tarixinə Azərbaycanda fəaliyyət göstərən bankların cəmi aktivləri 27,921.0mln. manat, cəmi öhdəlikləri isə 24,211.8mln.manat təşkil etmişdir. Sektorun balans kapitalı 3,709.2mln. manat, əhalinin əmanətləri isə 7,542.5mln.manat olmuşdur.Dekabr ayında əhalinin əmanətləri 2.7% və ya 195.9 mln. manat artmışdır.
Fəaliyyət göstərən 30 bankın filiallarının sayı 509, şöbələrinin sayı 142, ATM-lərin sayı 2,431 olmuşdur. Bütövlükdə, bank sektorunun işçi heyəti 16,171nəfər təşkil etmişdir. Dekabr ayında sektorda filial və ATM sayının azalması əsasən “Dəmir Bank” ASC-nin lisenziyasının geri çağırılması ilə bağlı olmuşur. “Dəmir Bank” ASC nəzərə alınmadan dekabr ayında sektorda işçi sayı 63 nəfər artmışdır.
31 dekabr 2017-ci il tarixinə bank sektorunun əsas göstəriciləri bank sektorunun icmal göstəricilərində öz əksini tapmışdır.
Media orqanları əlavə məlumat almaq üçün www.fimsa.az və press@fimsa.az ünvanına müraciət edə bilərlər.