Baki, FinanceTime.   “AFB Bank” ASC-nin xidmət şəbəkəsinə daha bir şöbə əlavə olunub. Bankın inkişaf strategiyasına uyğun olaraq yeni açılan şöbədə hüquqi şəxs və sahibkarlar gömrük rüsumlarını daha rahat və operativ ödəyəcəklər. Eyni zamanda müştərilər hesablaşma-kassa əməliyyatları, əmanətlər, müxtəlif növ ödəniş kartları, pul köçürmələri, kommunal ödənişlər, rabitə və digər xidmətlərin ödənişləri, valyuta mübadiləsi və sair bank xidmətlərindən yararlana biləcəklər. Yeni şöbə müştərilərə ən yüksək səviyyədə xidmət göstərmək üçün bütün zəruri şəraitə və imkanlara malikdir.

Yeni açılan şöbə Bakı şəhəri, Səbail rayonu, Salyan şossesi 14-cü km ünvanında (Bakı Baş Gömrük İdarəsinin yaxınlığında) həftənin I-V günləri saat 09:00-dan 17:00-dək, şənbə günü 10:00-dan 16:00-dək müştərilərə xidmət edəcəkdir.

2009-cu ildən fəaliyyət göstərən AFB Bank-ın Mərkəzi ofisindən əlavə Bakı şəhərində 7, Gəncə, Qəbələ və Sumqayıt şəhərləri daxil olmaqla ümumi 10 filialı,  4 şöbəsi və 1 mübadilə şöbəsi, eyni zamanda bölgələr daxil olmaqla 50 bankomatı əhatə edən xidmət şəbəkəsi üzrə fəaliyyət göstərir.

Bankın məhsul və xidmətləri barədə daha ətraflı məlumat almaq üçün www.afb.az internet səhifəsinə, (012) 565 65 56 Məlumat mərkəzinə müraciət edə bilərsiniz.