Sual verilsə ki, “Dünyada ən dəyərli şey nədir?” sözsüz ki cavabı zaman, vaxt olacaq. Dinamik inkişaf edən dünyada gündəlik işlərin bir çoxu bizim çox zamanımızı alır. Bu baxımdan hamı çalışırki bir çox işlərini daha az müddətdə, daha yüksək keyfiyyət və rahatlıqla görsün. Bu işlərdən qazandığımız zamanı isə ailəmizə, yaxınlarımıza, sevdiyimiz işlərə sərf etmək daha gözəldir. Bunları nəzərə alaraq Hesab.az portalı sizin rahatlığınızı, sizin təhlükəsizliyinizi və dəyərli vaxtınızı nəzərə alıb sizlərə etdiyiniz kommunal, mobil rabitə, internet, bank və digər ödənişlərinizi hətta 10 saniyədən az bir müddətdə etməyə şərait yaradır.

Hesab.az portalı ən rahat və təhlükəsiz funksiyalarından biri də ödəniş (plastik) kartın yaddaşda saxlanılması funksiyasıdır. Kartı yaddaşda saxlamaq sizə nə verəcək? Əlbəttə ki, hər bir ödənişdə kartın məlumatlarını daxil etmək lazım olmayacaq. Bir çoxunuz yəqinki ödəniş edərkən bir çox halda kartın məlumatını səhv daxil etmisiniz və buna görə yenidən daxil etməli olmusunuz. Bütün bunlar da həm vaxt itkisi, həm də əsəblərinizin artmasına gətirib çıxarır. Hesab.az portalının kartı yaddaşda saxlama funksiyası ilə Siz yalnız bir dəfə öz kartınızı yaddaşda saxlayacaqsınız və ödənişlərinizi bir neçə saniyə içində edə biləcəksiniz. Hər bir ödəniş zamanı isə artıq kartınızın məlumatlarını daxil etməyə ehtiyac olmayacaq. Sadəcə yaddaşda saxlanılan kartı seçib ödəniş edəcəksiniz. Bu qədər sadə. Özü də siz öz profilinizə bir neçə kart əlavə edə bilərsiniz. Kartı yaddaşda saxladıqdan sonra siz kartınız sizin yanınızda, portmanatınızda olmasa da belə rahatlıqla ödəniş edə biləcəksiniz. Kartı yaddaşda saxlamaq üçün sadəcə hesab.az portalında “Hesabların ödənişi” səhifəsinə daxil olub sağ hissədə yerləşən “Kartlar” bölməsinə daxil olmaq lazımdır. Burada siz bir neçə kartınızı yaddaşa əlavə edə bilərsiniz.

Bir çoxlarını kartın məlumatlarının təhlükəsizliyi məsələsi düşündürür. Burada bütün istifadəçilərimizi əmin etmək istəyirik ki, kartınızın bütün məlumatları yüksək səviyyədə və ən son texnoloji imkanların köməyi ilə qorunur. Ölkənin ilk onlayn ödəmə platforması olan Hesab.az (GoldenPay), “Visa” və “MasterCard” kimi beynəlxalq ödəniş sistemlərinin sertifikasiyadan keçmiş Onlayn ödəmə sisteminə malikdir. Bununla yanaşı, GoldenPay xüsusi şifrələnmə üçün Geo Trust istifadə edərək, müvafiq ödəniş məlumatlarının şifrələnməsini təmin edir. Yəni məlumatların qorunması üzrə hesab.az portalı bütün beynəlxalq və yerli standardlara cavab verir və tam təhlükəsizliyi təmin edir. Yüzminlərlə istifadəçini özündə cəmləşdirən bu xidmət istifadəçilərə rahat və ən əsası təhlükəsiz şəraitdə kommunal, mobil rabitə, internet, bank ödənişləri etmək, kinoteatr biletləri və sığota almaq kimi geniş imkanlar yaradır. Portalın yenilikləri haqqında www.hesab.az saytında və eyni zamanda portalın rəsmi facebook səhifəsində  https://www.facebook.com/hesabaz/ məlumat əldə edə bilərsiniz.