«Sevgi yoxsa Səhnə?»
Baki, FinanceTime. 23 oktyabr tarixində Park Bulvar ticarət mərkəzində yerləşən Park Cinemakinoteatrının Lazer zalında Aleksey Uçitelin böyük marağa səbəb olmuş “Matilda” filmininmedia nümayişi baş tutmuşdur. Tədbirdə Opera və Balet tearından qonaqlar, Azərbaycan Respublikası Mədəniyyət nazirliyinin media xidməti, tanınmış kinorejissorlar, bloggerlər, müğənnilər, digər tanınmış simalar və mədəniyyət xadimləri iştirak etmişlər. Tədbir Park Bulavr ticarət mərkəzi və Zeytun restoranının dəstəyi ilə həyata keçirildi.
Bu, xeyirxah şəhzadə və gözəl balerinadan, onların ehtiraslı məhəbbəti və bu məhəbbəti sındıran ictimai təbəqə maneələrindən, vətənə olan borcun iki gənc üçün təbii olan ehtrası məğlub etməsindən bəhs edən bir nağıldır. Adətən bu cür filmləri izləyərkən tamaşaçılar göz yaşlarına qərq olur: hər iki qəhrəmanı sevir, onların puç olmuş sevgilərinə üzülür, lakin öz borclarına olan sadiqliklərinə də rəğbət bəsləyirlər – “Roma tətilləri” filminin son səhnəsini xatırlayın, şəhzadə öz sevdiyi ilə baxışları ilə vidalaşaraq öhdəliklərinə qayıdır.
Bu, tarixi həqiqətə iddia etməyən, klassik balet ənənələrini hər zaman qoruyub saxlayan görkəmli balerina, lakin eyni zamanda rus taxtının son vəliəhdi Nikolaya II aşiq olmuş sıradan bir həssas qız olan Matildanın həyatından bəhs edən gözəl bədii filmdir.
Tarixdən isə yalnız növbəti kinomifə keçmişə aparan reallıq oxşarlığını verəcək faktlar götürülmüşdür: çar qatarının Borki stansiaysındakı qəzasının effektli şəkildə əks olunması, Xodınka faciəsinintəsirli şəkildə musiqi ilə uyğunlaşdırılması, gələcək imperatorun qəlbində qopan fırtınanın kulminasiyası kimi təqdim olunan təntənəli tacqoyma mərasimi. Tarixin də təsdiqlədiyi kimi, bu fırtınadan sonra dövlət qayğıları və ailə səadəti ilə birgə sərt imperiya quruluşuna qayıdışla onun qəlbinə sakitlik çökür, ta ki, final yazıların bizə xatırlatdığı tragik sonluğa dək.
Quruluşçu rejissor: Aleksey Uçitel
Prodüsser: Aleksey Uçitel, Aleksandr Dostman
Ssenari müəllif: Аleksandr Terexov
Baş rollarda: Danila Kozlovskiy, Yevgeniy Mironov, Qriqoriy Dobrigin, İngeborqa Dapkunayte, Lars Eydinger, Tomas Ostermayer, Luiza Volfram, Sara Şteyn, Qalina Tünina və digərləri.
2 gündən sonra isə Bakı tamaşaçıları Park Cinema kinoteatrının böyük ekranlarında “Matilda” filmini izləyəcək və Rusiya kinosu tarixində ən qalmaqallı filmi haqda öz fikirlərini formalaşdıra biləcəklər.
Balerina Matilda Kşesinskayanın həyatından bəhs edən “Matilda” filmi Rusiyada olduğu kimi Azərbaycanda da 26 oktyabr tarixində rus dilində azərbaycan altyazısı ilə ekranlara çıxacaq.
Park Cinema – Azərbaycanda müasir çoxzallı kinoteatrların ən iri milli şəbəkəsidir. Hazırda şəbəkəyə Park Bulvar, Metro Park, Zagulba Mall ticarət və əyləncə mərkəzlərində, ölkədə yeganə IMAX formatlı zalın yerləşdiyi Flame Towers, həmçinin Masallı rayonundakı “ASAN Həyat”-da yerləşən kinoteatrlar və Amburan Beach Club-da yerləşən yay kinoteatrı daxildir..
Foto və kadrlar əlavədədir.
Treyler:http://www.parkcinema.az/movies/view/5091/matilda#schedule
