Baki, FinanceTime.  Unibank Kommersiya Bankı öz menecment qrupunu gücləndirməkdə davam edir. Bank rəhbərliyinin qərarı ilə İdarə Heyətinin tərkibində bir sıra yeniliklər həyata keçirilib. Taleh Tahirli İdarə Heyətinin üzvü, İdarə Heyəti sədrinin Pərakəndə bank xidmətləri üzrə müavini,  İqor  Okayev isə İdarə Heyətinin üzvü seçilməklə İdarə Heyəti sədrinin Korporativ bank xidmətləri üzrə müavini vəzifəsinə təyin ediliblər. Rəhbərliyin qərarı ilə Tural Hüseynov “Korporativ bank xidmətləri departamenti”nin rəhbəri, Məcid Məmmədov isə İdarə Heyəti  sədrinin Xüsusi layihələr üzrə müşaviri təyin olunub.  Unibankda 22 ildən artıqdır müxtəlif rəhbər vəzifələrdə fəaliyyət göstərən Samir Balayev  isə Müşahidə Şurası sədrinin müşaviri  vəzifəsində fəaliyyətini davam etdirir.