Baki, FinanceTime.  AGBank məhsul və xidmət çeşidlərini təkmilləşdirərək istifadəçilərinə geniş seçim imkanını verir. Bank məhsulları sırasında ən unikal təkliflərdən biri əmanətlərdir. Həmin bu məhsul pulunuzun təhlükəsiz şəkildə qorunmasını təmin edir və üstəlik faiz qazandırır.

“Zəngin gələcək”

Sığortalı əmanət

Bu əmanət növü istənilən məbləğ ilə bankda depozit açdıqdan sonra, hesaba aylıq əlavələr etməklə həmin məbləği artırmaq fürsətini yaradır.Sığortalı əmanəti üzrə minimal məbləğ 100 AZN/ 100 ABŞ  təşkil edir, faiz dərəcəsi isə illik AZN ilə 15%, ABŞ dolları ilə 3 %-dir.

Yüksək gəlir əmanəti.

“Yüksək gəlir” adlı əmanət növü ilə fiziki şəxslərin manatla yerləşdirilən müddətli əmanətlərinə daha yüksək faiz dərəcəsi tətbiq edir. Əmanət növünün faiz dərəcəsi 18 %-dir və bank sizə minimum 12 ay, maksimum 24 ay müddətlə 100 AZN başlayaraq istədiyiniz məbləğdə depozit yerləşdirmək imkanı verir. 

"İlin 5-ci fəsli"

“İlin 5-ci fəsli” əmanət növündən yararlanmaqla siz, 3 ayın faizlərini əvvəlcədən əldə edə bilərsiniz. Əmanətləri bir il müddətinə AZN, ABŞ Dolları və Avro valyutasında yerləşdirmək mümkündür. İllik faiz dərəcəsi isə 15 %-dir.

Məbləğdən asılı olaraq əmanət hesabı açan şəxsə pulsuz plastik kart, AGClub endirim kartı və SMS bankinq xidmətinə qoşulma təklif olunur.

 Eyni zamanda AGBank-da yerləşdirilən əmanətlər, Əmanətlərin Sığortalanması Fondunun şərtlərinə uyğun olaraq sığortalanır. 

1992-ci ildə fəaliyyətə başlayan və Azərbaycanın 10 aparıcı banklarının siyahısına daxil olan AGBank, bu il özünün 25-ci yubiley ilinə qədəm qoyub.