|
|
|
Banklar | | | MBNP və ABA-nın təşkilatçılığı ilə maliyyə sektorunun nümayəndələri üçün seminar keçirilib |
19.06.2017 | |
| |
Baki, FinanceTime. 16 iyun 2017-ci il tarixində Maliyyə Bazarlarına Nəzarət Palatası və Azərbaycan Banklar Assosiasiyası tərəfindən “MasterCardWorldwide” beynəlxalq kart təşkilatının iştirakı ilə bankların, habelə prosessinq fəaliyyətini həyata keçirən təşkilatların əməkdaşlarının bilik və bacarıqlarının təkmilləşdirilməsi, eləcə də mövcud infrastruktur potensialının daha da gücləndirilməsiistiqamətində növbəti seminar keçirilib.
Ödəniş kartları ilə fırıldaqçılıq əməliyyatlarına qarşı mübarizə tədbirlərinə həsr olunmuş seminar zamanı“MasterCardWorldwide” beynəlxalq kart təşkilatının Avropa bölgəsində Təhlükəsizlik həlləri üzrə direktoruMark Van Puyveltərəfindən təşkilatın bu sahədə yeni proqram və xidmətləri, o cümlədən “SafetyNet”, “PolicyManager”, “FraudRuleManager”, “DecisionIntelligence”, “SpendAlerts and Controls” və “Acquirer/MerchantDashboard” haqqında məlumat verilib. Eyni zamanda, bu proqram və xidmətlərin banklara təqdim etdiyi üstünlüklər, fırıldaqçılıq hallarına qarşı əvvəlcədən müvafiq tədbirlərin reallaşdırılması imkanları, habelə tətbiq edilən qiymətləndirmə mexanizmivə digər zəruri məlumatlar açıqlanıb.
Media orqanları əlavə məlumat almaq üçün www.fimsa.az saytı və press@fmsa.az elektron poçt ünvanına müraciət edə bilərlər.
|
|
|
|