Baki, FinanceTime.  Azərbaycan Respublikasi Sahibkarlar (İşəgötürənlər) Təşkilatları  Milli Konfederasiyası  uzun müddətdir Sənayeçilərin  və Sahibkarların Beynəlxalq  Konqresi ilə  əməkdaşlıq edir. Danılmaz faktdır ki, son illər Konfederasiyanın  beynəlxalq əlaqələri xeyli genişlənib.

Konfederasiyanın əməkdaşları  ötən müddət ərzində bir sıra beynəlxalq təşkilatların, o cümlədən  “Sənayeçilərin və Sahibkarların Beynəlxalq Konqresi”-nin bütün Şura ,  Rəyasət Heyəti iclaslarında, “Rusiya Sənayeçilər və Sahibkarlar”-ın Qurultaylarında, habelə onların təşkil etdikləri Beynəlxalq konfranslarda  fəal iştirak ediblər.

2016-cı ilin 19 dekabrında Moskvada  Rusiya Sənayeçi və Sahibkarlar İttifaqının   25  illik yubileyi keçirilmiş, Beynəlxalq Sahibkarlığın inkişafında fəal iştiraka və verdiyi töhfələrə görə Konqresin Şura iclasında ASK-nın Prezidenti Məmməd Musayev yenidən  Şura sədrinin müavini seçilmişdir.

Qeyd etmək lazımdır ki, ASK-nın təklifi ilə Sənayeçilərin və Sahibkarların Beynəlxalq Konqresinin 2011-ci ildəki illik Şura iclası Bakıda  keçirilmişdir.  ASK-nın ev sahibliyi ilə böyük müvəffəqiyyətlə keçirilən tədbirdə 25 ölkədən 100-dən yuxarı yüksək səviyyəli iş adamları və hakimiyyət orqanlarının nümayəndələri iştirak etmişlər.