|
|
|
Banklar | | | Azərbaycan Beynəlxalq Bankı ölkəmizdə ilk dəfə olaraq “Təhlükəsiz kart” proqramının tətbiqinə başlayıb |
06.12.2016 | |
| |
Layihə “VİSA İnternational” şirkəti ilə müştərək şəkildə, şirkətin qlobal “Sıfır məsuliyyət” (Zero liability) siyasəti çərçivəsində həyata keçirilir. Dekabrın 6-da “Fairmont Baku” otelində proqramın təqdimat mərasimi olub.
Bu siyasət müştəriləri kart hesablarındakı vəsaitlərin təhlükəsizliyi qayğısından tam azad edir. Bu imkandan faydalanan müştəri özünün təsdiqləmədiyi ödənişlərə görə heç bir məsuliyyət daşımır. Belə ki, müştəri Bankın təmin etdiyi SMS-xəbərdarlıq, VİSA Verified, Mobil Bankçılıq xidmətinə qoşulur. Hesabı üzrə əməliyyatları mütəmadi nəzarətdə saxlayır. Hər hansı şübhəli əməliyyat barədə Bankı dərhal məlumatlandırır. Məlumatlar təhlil edilir. Əgər ödəniş əməliyyatını müştərinin özünün aparmadığı təsdiqini taparsa, bu zaman Bank müştəriyə dəymiş ziyanı əvvəlcədən ona ödəyir. Beləliklə, bu yenilik müştərilərə öz kartları vasitəsilə dünyanın istənilən yerində rahat alış-veriş etmək imkanı yaradır. Bu proqram kart sahiblərini hər hansı fırıldaqçılıq hallarından qoruyur. Onlarda kart hesablarındakı vəsaitlərin təhlükəsizliyi barədə böyük əminlik yaradır.
35 filiala və 43 şöbəyə malik olan Azərbaycan Beynəlxalq Bankının məhsul və xidmətləri barədə daha ətraflı məlumatı www.ibar.az internet səhifəsindən, Bankın filial və şöbələrindən, yaxud (012) 937 və ya *2265 nömrəli Məlumat Mərkəzindən əldə etmək mümkündür.
|
|
|
|