Baki, FinanceTime. Bakı Fond Birjası (BFB) və Yüksək Texnologiyalar Parkının (YTP) dəstəyi ilə“AF BusinessHouse”-dabugün “Start-up-ların Kapital Bazarları vasitəsilə maliyyələşməsinin yolları” mövzusunda seminar keçirilmişdir.
Tədbirə strat-up şirkətlərin nümayəndələri ilə yanaşı, BFB-nin üzvü olan investisiya şirkətləri və müxtəlif özəl sektor iştirakçılarıqatılmışdır.
Tədbirdə açılış nitqi ilə çıxış edən Bakı Fond Birjasının idarə heyətinin sədri Fariz Əzizov BFB haqqında start-up şirkətlərinin nümayəndələrinə və digər iştirakçılara qısa məlumat verdikdən sonra tədbirin əsas mövzusu olan Kapital Bazarları vasitəsilə maliyyələşmənin əhəmiyyətindən bəhs edərək, belə təlimlərin önəmliliyini qeyd etmişdir.
Daha sonra sözü alan Yüksək Texnologiyalar Parkının direktoru Seymur Ağayev öz növbəsində tədbir iştirakçılarını salamlayaraq, mövzuların şirkətlərə yararlığından bəhs etmiş və belə bir təşəbbüsü həyata keçirdiyinə görə Bakı Fond Birjasının rəhbərliyi və kollektivinə öz təşəkkürünü bildirmişdir.
Təşkil edilən seminarda "Borsa İstanbul"un Marketinq və Satış Departamentinin müdiri AdnanSerhatGörgünvə BFB-nin Biznesin İnkişafı Departamentinin rəhbəri Abdulla İsayev öz təqdimatları ilə çıxış etmişdir.
SerhatGörgün öz çıxışında “Start-upşirkətlərinin maliyyələşmə yolları”, “Şirkətindəyərləndirilməsi və bazarda dəyər qazanması”, “Kapital bazarları vasitəsilə maliyyə cəlbi” və “İPO-a hazırlıq” kimi mövzulara toxunmuş və öz bilik və təcrübələrini seminar iştirakçıları ilə paylaşmışdır. Abdulla İsayev də öz növbəsində “BFB- də Listinq” və “Listinq Məsləhət Proqramı (LMP)” barədə məlumat vermiş və bu proqramdan start-up şirkətlərinin necə faydalana biləcəyindən bəhs etmişdir.Seminar iştirakçılar tərəfindən maraqla qarşılanmış və qarşılıqlı diskusiya şəklində davam etmişdir.
Daha sonra BFB-nin üzvü olan investisiya şirkətlərinin nümayəndələri start-uplarla bağlı müxtəlif layihələr çərçivəsində çalışmalar etmək istədiklərini və bu istiqamətdə hazırlıq işlərinin görüldüyünü bildirdilər. Mövzu ilə bağlı çıxış edən Az-Finans Invest şirkətinin nümayəndəsi gələcək aylarda Start-up-ların dəyərləndirilməsi və ən uğurlu start-up-ın seçilərək maliyyələşdirilməsi iləbağlı layihə üzərində çalışdıqlarınıqeyd etmişdir.
Tədbirin yekununda Bakı Fond Birjası və Yüksək Texnologiyalar Parkı arasında tərəfdaşlıq haqqında memorandum imzalanmışdır.
Tədbirlə bağlı bütün təqdimatları və digər məlumatları BFB-nininternet səhifəsindən (http://bfb.az/seminar/ ) əldə edə bilərsiniz.
