Baki, Finance Time. WoWoman qadınların inkişafı üçün, onların ən qeyri-adi, çılğın, qeyri-mümkün görsənə
arzularını həyata keçirmək üçün yol göstərən, işarələr verən platformadır.
WoWoman müxtəlif sahələr üzrə tədbirlər, layihələr, kurslar həyata keçirmiş platforma kimi bu dövrün ən tələb olunan və dəbdə olan təlim proqramını təşkil etmək qərarını aldı və HR kurslarına start verdi.
İnsan resursları idarəçiliyinin əsas məqsədi insan gücünü daha effektiv, məhsuldar və onun xoşbəxtliyini təmin edəcək şəkildə istifadə etməkdən ibarətdir. Müasir dünyada rəqabət üstünlüyü təmin etmənin tək yolu insan resurslarını təsirli və məhsuldar idarə etməkdən keçir.
HR Akademiyası təşkilatlara və fiziki şəxslərə qabiliyyətlərini inkişaf etdirməyə, əxlaqi və ehtiramlı iş mühiti yaratmağa və düzgün iş nizamlamasına riayət etməyə kömək edən təlim kursudur. Proqramın məqsədi qadınların vəzifələrdə yaxşı lider və təcrübəli HR menecer kimi iştiraklarını artırmaq üçün liderlik bacarıqlarını və biliklərini inkişaf etdirməkdir.
7 moduldan ibarət kursun təlimçiləri ARDNŞ, Azercell, Deloitte, Keel Akademiyası, AG Bank, Kapital Bank və s. kimi aparıcı şirkətlərin və bankların HR menecerləri və mütəxəssisləri olacaq. Kurs ödənişsizdir.
Əgər siz də HR sahəsinin əsaslarını, "Əmək qanunvericiliyi", "Kadrların inkişafı və hazırlığının təşkili", "İşçilərin uyğunlaşdırılması, Kadrların Motivasiya Menecmenti", "HR-ın iqtisadi və maliyyə aspektləri", "Korporativ mədəniyyətinin qurulması və inkişafı", "Kadrlar ehtiyatı. Karyera Planlaması", "Vəzifədən azadetmə. Sosial-psixoloji və hüquqi aspektlər", kimi mövzuları öyrənmək istəyirsinizsə, HR Akademiyasina qoşula bilərsiniz.
Təlimlər həftədə iki dəfə - Çərşənbə axşamı və Cümə günləri olmaqla , 2 ay davam edəcək, saat 19:00 - 21:00-dək keçiriləcəkdir.
Başlanğıc tarixi: 13 Iyul, 2016
İŞTİRAK ETMƏK ÜÇÜN LİNKDƏKİ ANKETİ DOLDURMAQ LAZIMDIR :
https://docs.google.com/forms/d/1C8WI4qcYOqk6nY6A9f0YlOcXY6L0CyBrdsPBcaFqoTU/viewform?edit_requested=true
Ünvan: Caspian Plaza, AAA ofisi.
Əlavə məlumat üçün email: wowoman.hracademy@gmail.com