Baki, Finance Time. Avirtel şirkəti ilə fiziki qüsurluların cəmiyyətə inteqrasiyası üçün yeni start vermiş DisabledFreelance layihəsi əməkdaşlığa başlamışdır. Layihənin əsas məqsədi Azərbaycandakı fiziki qüsurlu şəxslər üçün məsafədən işləmək, təhsil almaq imkanı təşkil etməkdir. Əməkdaşlıq çərçivəsində Avirtel şirkəti DisabledFreelance layihəsinin idarə olunması üçün tələb olunan aylıq 5 mbit/s internet hədiyyə etmişdir. Bundan başqa əməkdaşlıq çərçivəsində DisabledFreelance saytında qeydiyyatdan keçmiş fiziki qüsurlu şəxslər üçün şirkət tərəfindən İKT, Mühasibatlıq, SMM və Rəqəmsalmarketing, Online və telefonla Satış kursları təşkil olunacaq, onların işlə təmin olunması üçün şərait yaradılacaqdır.