Baki, Finance Time. 05 fevral 2016-cı il tarixində, Bakı Fond Birjasında Maliyyə Nazirliyinin AZ0104002495 ISIN kodlu  qısamüddətli dövlət istiqrazlarının yerləşdirilməsi üzrə hərrac keçirilmişdir.

Sifarişlər 1 birja üzvü tərəfindən təqdim olunmuşdur. Sifarişlərin nominal üzrə ümumi məbləği 15 000 000 manat təşkil etmişdir.

Sifarişlər 91.9300 % (gəlirlik 8.80 %) və 92.0300 %  (gəlirlik 8.68 %) qiymət intervalında təqdim edilmişdir..

İstiqrazların rəqabətli sifarişlər üzrə kəsmə qiyməti –  91.9300 (gəlirlik 8.80 %) orta ölçülmüş qiymət 91.9445  (gəlirlik 8.79 %) səviyyəsində Maliyyə Nazirliyi tərəfindən müəyyən edilmişdir.

İstiqrazların nominal üzrə reallaşdırılmış həcmi  15 000 000  manat məbləğində müəyyən edilmişdir.   

İstiqrazların ödəmə tarixi  03 fevral 2017-cı  ildir.

İstiqrazların tədavül müddəti –  364  gündür.