Baki, Finance Time. “Listinq Məsləhət Proqramı” çərçivəsində kapitalbazarından maliyyələşmədə maraqlı olan potensial şirkətlər üçün PwC Azərbaycan və Bakı Fond Birjasının təşkilatçılığı ilə “Səhm və istiqrazlar vasitəsilə maliyələşmə və IPO-lar “ mövzusunda birgə seminar keçirilmişdir.
Tədbiri giriş sözu ilə açan Bakı Fond Birjasının İdarə Heyətinin sədri Fariz Əzizov və PwC Azərbaycan şirkətinin İdarəedici Partnyoru, Mövlan Paşayevöz çıxışlarında potensial şirkətlər üçün bu qəbildən olan maarifləndirici seminarların müsbət hal olduğunu və gələcəkdə də birgə keçirilcəyinin planlaşdırıldığını xüsusilə qeyd etmişlər.
Seminarda PwC Rusiya, MDB və Mərkəzi və Şərqi Avropa üzrə Partnyoru və kapital bazarları üzrə lideri Rüstəm Terequlovtərəfindən iştirakçılara kütləvi təklif yolu ilə kapital cəlb ediməsi, səhm və istiqrazların listinq prosesi, İPO-ya hazırlıq, prospektin hazırlanması, korporativ idarəetmə, maliyyə hesabatlılığı mövzularında geniş məlumat verilmişdir.
Həmçinin, tədbirdə Avropa Yenidənqurma və İnkişaf Bankının Azərbaycan nümayəndəliyinin rəhbəri cənab Nil MakKeynAYİB-in “İnkişaf etməkdə olan bazarlarda yerli valyutada istiqraz emissiyası” proqramı barəsində iştirakçıların diqqətinə çatdırmışdır.Tədbir zamanı həmçinin Bakı Fond Birjasının Biznesin İnkişafı qrupunun rəhbəri Abdulla İsayev“BFB-də listinq” və Ticarət qrupunun rəhbəri Tələt Kalayev“Yeni hüquqi çərçivədə kaptal bazarlarının infrastrukturu” barəsində ətraflı təqdimat vemişdir.
Seminar bitdikdən sonra spikerlər tərəfindən potensial şirkətlərin maraqlandıran suallar cavablandırılmışdır.
Tədbirdə 30 seçilmiş yerli şirkətin təmsilçiləri, LMP üzrə tərəfdaş şirkətlər, broker şirkətlər və digər qonaqlar iştirak etmişlər. Tədbir zamanı iştirakçılara kapital bazarından maliyyələşməni təşviqi ilə bağlı məlumat xarakterli broşurlar, xidmət kataloqu və digər maarifləndirici çap məhsulları təqdim olunmuşdur.