“Bakı Fond Birjasında İnvestisiya qiymətli kağızlarla Repo əməliyyatlarının aparılmasına dair Qaydalar”a əsasən aşağıdakı qiymətli kağızlar BFB-nin birja üzvləri arasında təşkil olunmuş Repo əməliyyatları bazarında repo predmeti olaraq təsdiq edilmişdir.

Bundan irəli gələrək, 13 mart 2015-ci il tarixindən etibarən sözügedən qiymətli kağızlar üzrə birja üzvləri BFB-nin Repo əməliyyatları bazarında repo əqdləri bağlaya bilərlər.

Qeyd edək ki,  Repo əməliyyatları üzrə repo predmeti ola biləcək qiymətli kağızların siyahısı və onlar üzrə təminat həcmi barədə məlumat BFB-nin internet səhifəsinin (www.bfb.az) “BFB-nin təlimat və qaydaları” bölməsində yerləşdirilmişdir.

Məlumat üçün qeyd edək ki, investisiya qiymətli kağızları ilə birja üzvləri arasında Repo əməliyyatlarının həyata keçrilməsinə 25 fevral 2014-cü il tarixində start verilmişdir. Bu bazarın yaradılması ilə BFB-də korporativ qiymətli kağızlarla repo əməliyyatlarının həyata keçirilməsi mümkün olmuşdur.

Bu günədək korporativ qiymətli kağızlarla 62 əqd olmaqla, ümumilikdə 218 mln. manatlıq repo əqdi bağlanılmışdır.

Repo əməliyyatları qısamüddətli likvidliyin təmin olunması aləti kimi bazar iştirakçıları tərəfindən mütəmadi olaraq istifadə olunur.